سیاسی

رحمان به گوترش: نگران تهدیدهای امنیتی از مرز افغانستان هستیم

خبرگزاری ثانیه | منتشر شده در تاریخ 9 سنبله 1405
نویسنده: خبرگزاری ثانیه

اشتراک گذاری: فیسبوک | توییتر | واتس‌اپ | لینکدین
بازدیدها: 39

---

امام‌علی رحمان، رییس‌جمهور تاجیکستان، در دیدار با آنتونیو گوترش، دبیرکل سازمان ملل، نگرانی‌های امنیتی کشورش از مرز افغانستان را مطرح کرده است. 

سازمان ملل روز دوشنبه،۹ سنبله، اعلام کرد که رحمان و گوترش در حاشیه نشست سازمان همکاری شانگهای درباره وضعیت افغانستان و همکاری‌های دوجانبه گفت‌وگو کردند. 

این دیدار پس از افزایش تنش‌ها در نزدیکی مرز افغانستان و تاجیکستان و اعتراض دوشنبه به اصابت گلوله از سمت افغانستان صورت گرفته است.

تاجیکستان در ماه‌های اخیر بارها درباره وضعیت امنیتی مرز مشترک با افغانستان هشدار داده است. 

افغانستان از سال ۲۰۱۲ عضو ناظر سازمان همکاری شانگهای است، اما پس از بازگشت طا.لبان به قدرت نمایندگان این گروه در نشست‌های رسمی این سازمان حضور نداشته‌اند.